有讀寫障礙傾向嘅Jon Jon好努力，進步咗非常多，但有時老師對其評級同期望有落差，佢有啲唔開心。
我同Jon Jon講，爸爸小學二年級時，中數得十幾分，要留級！有老師話，周佩波永遠都唔會有前途！永遠都唔會有希望！嚟到香港插班讀band 5學校，亦俾睇死！
中四時，成為史上第一個非band 1學生入圍香港傑出學生選舉。我當時同同學講，我哋唔好俾人睇死，唔一定係地底泥！我入選傑生，同全港最頂尖學生企得埋一齊，我可以，大家都可以，我哋一定要爭氣，唔好放棄！結果，我會考27分，中數都係A，成績較老師估計高一倍！更開心嘅係，老師話當年夠分升讀中六嘅人數係過去十年總和！
幾十歲人講會考成績真係好無聊，但爸爸希望Jon Jon明白，每個細路都有佢叻嘅地方及佢嘅步伐，唔需要因為一時嘅成績而論斷一個細路！
#同行
Search